Gutiérrez pushakka Ecuador mamallakta nishkatami katinka





Editorial de Rikcharishun

Periódico Bilingüe de la Ecuador Kichwa Llaktakunapak Jatun Tantanukui (ECUARUNARI)

Enero-Febrero de 2003


Versión en lengua castellana >>



Mana tukuilla runakunapak mutsurikunata paktachikpika lluchishpami kachashun.

Ña shuk killa yalitami Lucio Gutierrezka Ecuador mamallaktata pushakun, shinapash tukuy waccha runakunapak alli ruraykunatami paktachinka yakpipash, mana imatapash shinashkachu, chaymantami Ecuador mamallakta runakunaka na alli yarishka kanchik. Alli pushak kana randita, punta mamallakta pushakkuna shinashkakunatallatak katikunpimi llakilla kanchi.

Shinakukpimi, ECUARUNARI tantanakuy yuyaypika, Lucio Gutierreska Movimiento de Unidad Plurinacional Pachakutik Nuevo País tantanakuy tinkirikpillami mishashka yanchimi. Ashtawanpash runa tantanakuykuna paimanta shitashpa, alli yuyaykunatapash churakpillami apu tukushka yanchimi.

Waccha runakunamanta pushak tukushka kashpapash, Gutierreska Fondo Monetario Internacional, Estados Unidos apu nishkakunatami katikun. Chaymi jambikunata, shukkunatapash wichiachishka, imashina Fondo Monetario Internacional, Carta de Intención nishkapi killkashkata paktachinkapak.

Shina llakikunata rikushpami ECUARUNARI, CONAIEpash marka tantakuykunawan rimarishpa, shinallatak katun tantanakuypi tiarishpa Gutierrezta na política neoliberalta katichun munanchichun nishkanchik. Shina na alli ruraykunata rikushpami, kay katun tantanakuypika, ñukanchi runa tantanakuykunaka Gutierrezpak pushakmanta karuyanchimi nishpami sakirishkanchik.

Shina kakpika, tukuyllami allikuta yuyarina kanchik, pita llulla kakta: Lucio Gutierrez, paypak ministro de Finanzas, Banquerokunapash? Pita llakichishka Movimiento Pachakutik? Kay tapuykunatami Ecuador runakuna yuyarina kanchi. Ima nishpaka, ñukanchi mamallaktamantami punta rikuna kanchik.




 
Llacta!    Portada |  Organizaciones |  Comunicados |  Noticias